main1pic1

සොරකමක් නොවෙන සොරකමක්.

තමුන් සතු දෙක අනෙක් අය හට බෙදා දීමෙන් තමුන්ට ඉතිරි වන්නේ 0කි. ඒ ගැන විමල් විරවන්සට හොද අවබෝධයක් තිබිණි. 2න් 2ක බෙදු විට 0යි කියන්නේ ඒ නිසාය. අමාත්‍යංශය සතු වාහන 40ක් ඔහු ඔහුගේ භාවිතයට යොදා ගත්තේ නැත. ඒවා සියල්ල අනෙක් අයගේ උවමනාවන් පියවීම සදහා යොදා ගන්නට අවසර දී තිබේ. ඔහු ඒවා ලබා දීමේදී රජයේ සේවකයන්ද, නොවේද , ඥාතීන් ද නොවේද යන්න විමසා නැත. රැකියාවන් කරන්නන්ටද නොකරන්නන්ටද වෙනසක් නොකර ඒවා පරිහරණයට ලබා දී තිබේ. ඔහු කර ඇත්තේ සමාජ සේවයකි.

ඔහු හිටපු නිවාස  හා ඉදිකිරීම් අමාත්‍යවරයා පමණක් නොව දෝෂාභියෝග කමිටුවේද සාමාජිකයෙක් වී හිටපු දුෂිත අගවිනිසුරුවරියක වූ ශිරාණි බණ්ඩාරනායක ඉවත් කිරීමටද දායක වී ඇති වැදගත් කාර්යභාරයක් කල අමත්‍යවරයෙකි. හරි වැරැද්ද කුමක් දැයි ඔහු හොදින් දනී.

හිටපු වීරවංස අමාත්‍යතුමා හොද කථිකයෙකි. එය ඔහුට පමණක් උරුම වී පැමිනියක් නොව ඔහුගේ පවුලේ සියලු දෙනාටමත් ඇති කථිකත්වයක් බව ඔහු අත්අඩංගුවට පත් වූ දිනයේදී ප්‍රදර්ශනය විය. විමල්ගේ නෑනා කෙනෙකු කතා කල අන්දමින් ඇයද කොතරම් දක්ෂ කථිකත්වයක් ඇති කාන්තාවක්ද යන්න අපට හොදින් අවබෝධ විය. ඉදිරියේදී ඇය ජාතික නිදහස් පෙරමුණෙන් මැතිවරණයට තරග කලද එය පුදුම වීමට හේතුවක් නොවේ. ඇයටද මේ රටේ ප්‍රගතිශීලි බුද්ධිමත් ජනතාව තම වටිනා ජන්දය භාවිතා කරනු නියතය.

වීරසන්ගිලි පනික්කියලගේ පොඩිනෙරිස් නැටුම් ගුරුතුමාට දාව 1965 ඉපදුනු විරසන්ගිලි පනික්කියලගේ විමලසේන තම දිනිදු පවුල ගොඩ ගත් වීරයෙකි. ඉතා උනන්දුවෙන් රට වෙනුවෙන් සේවය කරමින් ජාතිමාමකත්වය, දේශප්‍රේමය ජනතා සිත් තුල තැම්පත් කරමින් වෙහෙස මහන්සි වී තම දුපත්කම ට එරෙහිව දිරිමත්ව නැගී සිටි එතුමා දැන් බොහෝ වත්කම් උපයාගෙන ඇත්තේ තම දිරිය සහ ආත්ම විස්වාසය ගැන අපට බොහෝ පාඩම් කියා දෙමිනි.

මහා සංඝරත්නයේ පිරිත් සජ්ජායනා මැද කරවටක් පිරිත් නුල් ද සමගින් අත්අඩංගුවට පත් එතුමාට ආශීර්වාද කලේ සොරකමටද, අත්අඩංගුවට පත් වීම නිසාද යන්න මට ඇති ප්‍රශ්නයකි.

උසාවි නියෝගය සහ හම්බන්තොට උද්ඝෝෂණය

1055332757hambantotaලී කොන් යු ලියු The Singapore Story නම් පොතේ ශ්‍රී ලංකාවේ ඉතිහාසය හා ගනු ලැබූ දේශපාලන තීන්දු ගැන විස්තරයක් තිබේ. එම විස්තරය අවසානයේ ඔහු අපුරු වාක්‍යක් සදහන් කර තිබිණ.
“It is sad that the country whose ancient name Serendip has given the English
language the word “serendipity” is now the epitome of conflict, pain, sorrow and hopelessness.”
අතීතයේදී ශ්‍රී ලංකාව හැදින්වීමට Serendip යන නාමය භාවිතා කළහ. නමුත් වර්තමානයේ පවතින බලාපොරොත්තු රහිත, දුක්ඛදායක, වේදනාකාරී සහ එකිනෙකාට විරුද්දව ගැටුම් ඇති කර ගන්නා තත්ත්වය මත serendipity (ඉරණම) විය යුතු බවයි.

ශ්‍රී ලංකාවේ එතෙක් මෙතෙක් බිහි වූ කිසිඳු නායකයෙකු තමුන්ගේ ගොඩ වඩා ගැනීම සහ බලය රැක ගැනීම මිස, රට ගැන හෝ රටේ දියුණුව ගැන කිසිදා සිතුවේ නැත. බලය හමුවේ අන්ද මන්ද වන නායකයන්ට නිවැරදි තීරණ ගත නොහැක. එදා මෙදා තුර ගන්නා ලද බොහෝ වැරදි තීරණ නිසා බොහෝ මිනිසුන්ට දුක්ඛදායක, වේදනාකාරී ඉරණම් වලට නතු වීමට සිදු විය.

පක්ෂ බේදයකින් තොරව දැන් වන්නේ ද එයයි. කිසියම් කෙනෙකු රට සංවර්ධනය කිරීමට දායක වන්නේ නම් අනෙක් පාර්ශවය සිතන්නේ එය තමාගේ පරාජයක් බවයි. හම්බන්තොට සිදුවන ව්‍යපෘති වාසිදායක හෝ අවාසිදායක බව මා මෙහිදී නොපවසමි. එහි පවතින වාසිදායක බව හෝ අවාසිදායක බව ගැන මා නිවැරදිව කරුණු කීමට නොදනී. ඊයේ උද්ඝෝෂණයට පැමිණි උදවියද එය ගැන හරි හැටි අවබෝධයක් තිබී යැයි මා සිතන්නේ නැත. නමුත් ලංකාවට සියයට සියක් හිතකර ව්‍යාපෘතියක් ක්‍රියාත්මක වුවද එයට විරුද්දව සටන් කරන අයනම් නොසිටිය නොහැක.

නමුත් මා හට පැවසීමට අවශ්‍ය වුයේ මෙය නොවේ. මෙය දේශපාලන පක්ෂ විසින් සංවිධානය කර පැවැත්වූ උද්ඝෝෂණයකි. නාමල්, ඩලස්, ශෂේන්ද්‍ර, ගම්මන්පිල, වැන්නන්ගේද ( කිසිම දේශපාලකයෙකුට මහතා යන්න භාවිතා නොකර ලිවීමේ ප්‍රතිපත්තියක් මා තුල පවතී. 6වෙනිදා ලක්බිම පුවත්පතට අනුව පුද්ගලයෙකු ඝාතනය කර සිර දඩුවම් විදින දුමින්ද සිල්වා, මහතෙකු වුයේ කෙසේද යන්න මා නොදනී. එක්තරා පුද්ගලයෙකු මගෙන් ඇසු පැනයකට පිළිතුරකි.)
සහභාගිත්වය පැහැදිලිව ප්‍රදර්ශනය වුනි. එසේ තිබියදී වෙනත් පුද්ගලයින් පමණක් අත්අඩංගුවට පත්වුයේ කෙසේද? උසාවි නියෝගය බල පවත්නේ ඔවුන්ට පමණක් ද ?

අධිකරණයේ උතුරු දිශාව මේ බලවත් පුද්ගලයන්ගේ දකුණු දිශාවට සම්බන්ධ ද ?

1481427584_8270861_hirunews_navy-comander

නාවුක හමුදාපතිවරයාගේ කොට කලිසම් නිළ ඇදුම

පුජිත ජයසුන්දරට අනුව නම් පොලිසිය හිතුවක්කාරය. නමුත් අප අද කතා කරන්නට යන්නේ පුජිත ජයසුන්දරගේ “හිතුවක්කාර පොලීසය” ගැන නොවේ. නාවික හමුදාවේ “පති” ගැනය.
පුජිත ජයසුන්දර මාධ්‍ය ඉදිරියේ ඇද ගෙන නාගෙන වැඩි දවසක් ගියේ නැත. දැන් නාවික හමුදාපති නා ගනිමින් සිටි. ලංකාවේ “පති” ලා මාධ්‍ය ඉදිරියේම නා ගැනීමට ඇති කැමැත්ත මට  නම් ප්‍රහේලිකාවකි.

රටේ වැඩ වර්ජන හා උද්ඝෝෂණ පැවතිය යුතු ආකාරය ගැන අපට විවේචන ඇත. ඒ කෙසේ වෙතත් හම්බන්තොට වාරයේ නැව් ගමන් කරන්නේ අවුරුද්දකට ඇගිලි ගණනටත් වඩා අඩුවෙනි. ඒ නැවු වලටද ගමන් කිරීමට බාධා කරමින් වර්ජනයේ නියැලීම නිවැරදි නොවන බව අපගේ පිළිගැනීමයි. නමුත් නාවුක හමුදාපතිවරයාගේ හැසිරීම වර්ජනයේ නියැළුන මිනිසුන්ට වඩා පහත්ය. සිය වෘත්තීය තත්වයට නොගැලපෙයි. නාවුක හමුදාවේ  වෘත්තීයභාවය ඇසිල්ලකින් කුණු කුඩයකට ඇද දැමීමට හැකි හමුදාපතිවරයෙකු එම තත්ත්වයේ සිටිය යුතු නැත.

මෙවැනි උද්ඝෝෂණයක් මැඩ පැවැත්වීමට නාවික හමුදාපතිවරයාටම එම ස්ථානයට යාමට තිබු උවමනාව කුමක් ද ? නිරායුධ පිරිසක් ඉදිරියට නාවික හමුදාපතිවරයාට යන්නට තිබුන උවමනාව අවි ගත් ත්‍රස්ත පිරිසක් සිටියේ නම් එවිටත් පවතීද යන්න සැක සහිතය.

වෘත්තීය හික්මීමකින්, අවස්ථාවට උචිත බුද්ධියෙන් කටයුතු කල යුතු තැනදී කිපුණු ප්‍රමත්ත හැසිරීමකට හේතුව කුමක් ද ?

ජනමාධ්‍යවේදීන් ද හැසිරෙන ආකාරය පිලිබද විවේචන පවතී. ජනමාධ්‍ය ආයතන පිළිබදවද එය එසේමය. බලු කුණත් විකුණගෙන කා හැකි නම්, එයද කිරීමට නොපැකිලෙන ජනමාධ්‍යක්  පැවතීම එහි ගෞරවයට හේතු නොවේ.  නමුත් එය මර්ධනය මගින් පිටු දැකීම අපට අනුමත කල නොහැක.

එම වර්ජනවල දේශපාලන පසුබිම කුමක් වුවත් , තමුන්ගේ තනතුරට, හමුදාවේ ගරුත්වයට, හානි වන ආකාරයට තීන්දු තීරණ ගැනීමට කිසිවකුට අයිතියක් නැත. ඔහු නැති කර ගත්තේ තමුන්ගේ ගෞරවය පමණක් නොවේ. අනාගතයේදී එම තනතුරට පත් වන නිලධාරීන්ගේත් ගෞරවය යි.  මෙම ක්‍රියාව වෙනත් මැදි නිලධාරියකු කලේ නම් දැන් මෙහි පසුබිම කුමක් විය හැකිද?

නාවික හමුදාපතිවරයා තමුන්ගේ රටේ රට වැසියන්ට මෙසේ සලකනවානම්, අනෙක් නිලධාරීන් තමිල්නාඩුවේ සිට පැමිණෙන ධීවරයන්ට කෙසේ සලකනවා ඇද්දැයි, ඔවුන්ට තර්ක කිරීමට නුපුලුවන්ද ?

ආරක්ෂක ලේකම්වරයාද පවතින රූප රාමු පෙනී පෙනී පහරදීම ප්‍රතික්ෂේප කිරීම අදුරු රාජපක්ෂ යුගය නැවත මතක් කරවයි.

මහින්ද රාජපක්ෂ යුගයට අප නැවත යා යුතු නැත. කවුරුන් හෝ එම පහර දීම සාධාරණිකරණය කරනවානම් ඔහුද එම වගකීම දැරිය යුතුය.

දේශපාලන සොරකම්, පුරවැසියන් හා ශ්‍රී ලංකාව.

දුම්රිය ගාස්තුවෙන් 1/3 ගෙවා රාජ්‍ය සේවකයෝ කාර්යාලවලට යති. එහි ගොස් තමුන්ගේ පුද්ගලික  වැඩ රාජකාරි සියල්ලක්ම පාහේ  කර ගනිති. ප්‍රමාද වී ගොස් කලින් වෙලාවක් දමති. තමන්ගේ අත්සන තමුන්ට වැඩිය හොදට දමන්නෙක්ට කියා ගස්සවා ගනිති.  දුරකථන ඇමතුම්, පුවත්පත්, පරිගණක ක්‍රීඩා සියල්ලක්ම පරිහරණය කරති. කාර්යාල වේලාව අවසන් වනතෙක් අලස කමින් කාලය කා දමමින් හිද කිසිවක් නොකර ගෙදර යති. කාර්යක්ෂමතාව ඉහල දැමීමට හෝ වෙනත් පරිපාලන වෙනස්කම් කිරීමට සැරසෙන විට එය තමන්ට ගැලපෙන්නේ කෙසේද යන්න දහ අතේ කල්පනා කරති. අමතර දීමනාවක් සොයා ගැනීමට එය බාදාවක් වන විට වර්ජන, උද්ඝෝෂන  හා පෙළපාලිය. කම්කරුවන් මත් පැන් පානය කොට රාජකාරි කරති. නියමිත පරිදි රාජකාරිය නොකොට ඔවුන් වැටුප, මහජනයාගේ බදු මුදල් සොරා ගනිති. නියමිත පරිදි මහන්සි වී වැඩ කරන්නේ පොලිසිය හා රේගු  නිලධාරින්ය. ඔවුන් මහන්සි වී වැඩ කරන තරමට පළ නෙළති.

පෞද්ගලික අංශයේ සේවකයන් ඔවුන්ට වඩා මහන්සි වී වැඩ කරති. දුම්රියේ තුන්වෙනි පන්තියේ සිර වී රැකියාවට එති. කාර්යාලයේ මුද්‍රණ කොළ, පැන්, පැන්සල්, නිවෙස් වලට රැගෙන යති. බොරු බිල් පත් යොදා ආයතනයෙන් මුදල් ලබා ගනිති. ආයතනයේ මිලදී ගැනීම් වලින් කොමිස් මුදල් ලබා ගනිති. අභ්‍යන්තර පාලනයේ දුර්වලතා සොයාගෙන ඒවායින් රිංගා යති.

වෙළෙදුන් කූට උපක්‍රම භාවිතා කරමින් මහජනයා ගසා කති. ශරීර වලට හානිකර ලෙස අහාර සපයා මුදල් ගනිති. ඉතුරු වන සිල්ලර මුදල් පාරිභෝගිකයාට නොදී සොරකන් කරති. පාරිභෝගිකයා වැඩි පුර අහාර ගෙන අඩු ගණනකට ගෙවීම් කරති. වැරදීමකින් හෝ වැඩිපුර දෙන ඉතිරි කාසි සාක්කුවටම දමා ගනිති.

බස් මගින් බස් වල මුදල් නොදී යන්නටම වැයම් කරති. කොන්දොස්තරවරු ඉතිරි රුපියලත් නොදී ඉන්නටම වැයම් කරති. ඉතිරි කාසි බහිද්දී ඉල්ලා ගන්නැයි කියා පිටු පසින් බහින මගියා දැක දැක ඉස්සරහට යති. සිගන්නන්ද සොරකන් නොකරන රුපියල කොන්දොස්තරවරු නම් පැන පැන සොරකන් කරති.

සිගන්නන්ගේ ව්‍යාපාරයද සොරකන් වලින් අඩු නැත. බඩ ගිනි කෑමට යමක් අරන් දෙන්න යැයි කියා ලබා ගන්නා කෑම පාර්සලය එම කඩයටම නැවත විකුණති. බොරුව, රැවටීම මගින්ම අනිත් අයගේ මුදල් සොරකන් කරති.

ත්‍රීවිල්කරුවන් රථ වලට මීටර් සවි කරගෙන සොරකන් කරති. කිලෝමීටරයට රුපියල් පනහක් වන විට කිලෝමීටර් දෙකක් ගිය පසු ගණන තුන් ගුණයක් පමණ වන ලෙස මීටර් සාදා ගනිති. සමහර මීටර් අතින් වෙනස් කල හැකි පරිදි සකසාගෙන සොරකන් කරති.

පන්සල් වල හාමුදුරුවරුන් පින් කැට වල මුදල් ලබාගෙන ජංගම දුරකථන මිලදී ගනිති. දුරකථන බිල් පත් ගෙවා දමති. හමුදුවරුන්ට තරම් නොවන වැඩ කරමින් සොරා කති. පල්ලි වල පුජකයන්ද මිට දෙවෙනි නොවෙති. ඔවුන් මුදල් නිවෙස් වලට යවති. වාහන මිලදී ගනිති. උත්සව වැඩි වැඩියෙන් සංවිධානය කර වැඩි වැඩියෙන් මුදල් සොයාගෙන සොරකන් කරති.

ඕකි මෙකි නොකී අන් අයත් අඩු වැඩි වශයෙන් සොරකන් කරති. සොරකන් කිරීමට මාන බලති. ගානක් සොයා ගන්නේ කෙසේ දැයි දහ අතේ කල්පනා කරති. අසු නොවේ කියා දන්නවනම් සොරකන් කිරීමට බොහෝ පුරවැසියෝ ලංකාවේ සිටිති.
රුපියලත් සොරකන් කිරීමට පුරවැසියන් සිටින රටක මිලියන ගැන කවර කතාද? දේශපාලකයන් රුපියල අමතක කොට මිලියන ගැන සිහින දකිති. මිලියන සොරකන් කිරීමට අවශ්‍ය වටපිටාව සකසා ගනිති. නීති පද්ධති වලින් රිංගා ගොස් සොරකන් කරති. නීති පද්ධති වල හිඩැස් පිරවීමට උත්සුක නොවෙති. තමුන්ට පමණක් නොව අනාගත පරම්පරාවට සොරකන් කිරීමට අවශ්‍ය මග සකසා දෙති.

සොරකන් කර හෝ දියුණු වන මිනිසුන් ගැන, මිලියන ගණන් තියා රුපියලක් හෝ සොරකන් කිරීමට නොහැකි අප ඉර්ෂියාවෙන් ඉවසුම් නොමැතිව කෑ ගසති, කම්පා වෙති.

 

මා ඇමෙරිකානු ජනාධිපතිවරුන් බොහෝ දෙනෙකු දැක ඇත. නමුත්, ඇමෙරිකාව දැක ඇත්තේ මා පමණකි.

ලොව කුප්‍රකට ඝාතන රජවරුන් වන ඇමෙරිකාවේ CIA සංවිධානය ඇතුළු අනිකුත් ඇමෙරිකානු සංවිධාන බොහොමයක් ෆිදෙල් කස්ත්‍රෝ ඝාතනය කිරීමට 638 වතාවක් උත්සහ කල බව කියවේ. ඇමෙරිකානු අත මානයේ ෆ්ලොරිඩා ප්‍රාන්තයේ සිට සැතපුම් 90ක් දුරින් පිහිටි කියුබානු දුපත සමාජවාදී බල කදවුරක් සේ නැගී සිටීම, ධනවාදී ඇමෙරිකානු කදවුරේ අභිමානයට එල්ල කල පා පහරක් සේ ඇමරිකානුවන් සිතන්නට ඇති.ඒ කෙසේ වුවද, උපක්‍රමික වශයෙන් ඇමෙරිකාවට එරෙහි යුද්දයකදී  කියුබානු වරායන්ගේ ඇති වැදගත් කමද ඔවුන්ගේ සිතේ මුලික වශයෙන්ම සටහන් වී තිබිය යුතුය. කියුබානු වරායන් ඇමෙරිකාවට එරෙහිව ඉතා වැදගත් අවියක් සේ යොදා ගත හැකි සේම, ඇමෙරිකාවටද කියුබානු  වරායන් තම සතුරන්ට එරෙහිව මුලික ආරක්ෂක වළල්ලක් (First Line of defense )සේ යොදා ගත හැකිය.

ඇමෙරිකාවේ 3වෙනි ජනාධිපතිවරයා වන තෝමස් ජෙෆෙර්සන් (1801-1809) පවා බටහිර අර්ධගෝලයෙන් ඇති වන තර්ජනයකදී තම ස්වාධීනත්වය ආරක්ෂා කර ගැනීමට ෆ්ලොරිඩා ප්‍රාන්තයේ හා කියුබාවේ ඇති වැදගත්කම පිලිබදව ඒ වකවානුවේදී පවා අවදානය යොමු කර තිබිණි.  එහි වැදගත්කම එසේ තිබියදී, රුසියානු මිසයිල ස්ථානගත කිරීම සදහා අවකාශ සැපයීමට අවශ්‍ය ඉඩ කස්ත්‍රෝ විසින් රුසියාවට ලබා දීම ගැන කිපුණු එවකට ඇමෙරිකානු ජනාධ්පති ජෝන් එෆ් කෙනඩි, එය 3වෙනි ලෝක යුද්දය සදහා පසුබිම වනු ඇති බව එකෙහිම ප්‍රකාශ කළේය. කෙසේ වෙතත් කියුබාව ආක්‍රමණය නොකරන පොරොන්දුව රුසියාවට ලබා දීමෙන් එහි මිසයිල කදවුර ඉවත් කර ගැනීමට ඇමෙරිකාවට හැකි විය. මෙම මිසයිල අර්බුදයට හේතු වුයේ Bay of Pigs invasion  හෙවත් කියුබානු සරණාගතයින් පුහුණු කොට ආයුද සපයා කියුබාව ආක්‍රමණය කොට කස්ත්‍රෝ ඉවත් කිරීමේ ඇමෙරිකානු සැලසුම අසාර්ථක වීමයි. මෙහිදී ඇමෙරිකාවේ බලාපොරොත්තුව වන්නේ කැරැල්ල අතරතුර එයට සහය වෙමින් කියුබානු ජනතාවගේ සහයත් ඔවුන්ට හිමි වේවි, යන්නයි. නමුත් ඔවුන්ගේ බලාපොරොත්තුව ඉටු නොවිණි. කෙසේ වුවද ඔවුන් සිතුවාට වඩා දරුණු ප්‍රතිප්‍රහාරයක් ඔවුන්ට එල්ල විය. කැරලිකරුවන්ගේ සැපයුම් නවුකා බොහොමයක් ගිල්වා දැමුණු අතර ඔවුන්ට ඇමෙරිකානු  ගුවන් ආධාර ලබා දීමෙන් ඇමෙරිකාව වැලකි සිටියහ. මෙහිදී කැරලිකරුවන් සියයකට වැඩි පිරිසක් මිය ගිය අතර දහසකටත් වැඩි පිරිසක් අත්අඩංගුවට ගැනුනි.

1975 දී එළිදැක්වුණු ෆ්‍රෑන්ක් චර්ච් ගේ චර්ච් කොමිටි වාර්තාවට අනුව 1960 සිට ෆිදෙල් කස්ත්‍රෝ ඝාතනය කිරීමට CIA  සංවිධානය ප්‍රමුඛ අනිකුත් රාජ්‍ය  සංවිධාන  උත්සහ කර තිබේ. ඒවා  කිහිපයක් නම්,

FBI ඉතා අත්‍යවශ්‍ය පුද්ගල ලයිස්තුවේ සිටි පුද්ගලයෙකුව සිටි සෑම් ගින්කානා නමැති මැරවරයා යොදා ගෙන අති මාරාන්තික විෂ සහිත පෙති 6ක් කස්ත්‍රෝ ට සම්බන්ධ විය හැකි පුද්ගලයෙකුට ඇ. ඩො. 150,000ක් මුදලක් ලබා දෙමින් ඝාතනය කිරීමට ගත උත්සාහය, කීප වරක් උත්සහ කිරීමෙන් පසු අත් හරින ලද බව සදහන්. මෙහිදී ඉහත මුදල ගෙවූ බව සදහන් වී නැති බව කමිටු වාර්තාව සදහන් කරයි.

CIA මගින් නිපදවන ලද පුපුරන සිගරට්ටු යවා තිබෙන අත‍ර ඒවා ද සාර්ථක වී නොමැත.

දිලිර අඩංගු කිමිදුම් කට්ටල හා ස්වසන උපකරණ ලබාදීමට සැලැස්වීම. කෙසේ වෙතත් එම කට්ටල ලබා දීමට හැකි වී නැත.

කස්ත්‍රෝ ගේ කලින් පෙම්වතියව සිටි මරිටා  ලොරෙන්ස් CIA කොන්ත්‍රාත් නියෝජිතයෙකු ලෙස බදවාගෙන විෂ සහිත පෙති වර්ගයක් යොදා ගෙන මර දැමීමට කරන ලද උත්සාහය. එම පෙති ශරීර ගත කිරීමට හැකි වුයේ නම් කස්ත්‍රෝ තත්පර 30කින් මිය යනු ඇති. කෙසේ වෙතත් ඇය එම අදහස අත්හැර දමා ඇත. ඉන් පසු ඇය සදහන් කරන්නේ කස්ත්‍රෝ  ඇයට සිය රිවෝල්වරය ලබාදී ” ඔබට මා මරා දැමිය නොහැකි නම්, කිසිවෙකුට නොහැකි ” යන්න ප්‍රකාශ කල බවයි.

අතීතයේ සිටම කියුබාව හා ඇමෙරිකාව අතර කිට්ටු සම්බන්ධයක් පැවතිනි. ඒ කියුබාවේ ඇති වැදගත්කම ඇමෙරිකාවට අවබෝධ වී වන්නට ඇති. කියුබාවට නිදහස ලබා දෙන්නටද ඇමෙරිකාවට ස්පාඤ්ඤය සමග යුද්ද කිරීමට සිදු විය.

ඉන් අනතුරුව මුල්‍යමය වශයෙන් මෙන්ම, හමුදාමය හා දේශපාලනික වශයෙන්ද උදවු උපකාර ඇමෙරිකාව විසින් සිදු කරනු ලැබිය.
වර්ෂ 1700දී කියුබාව ලෝක සිනි නිෂ්පාදනයෙන් 25% නිපදවනු ලැබූ අතර එහි මුලික ගැනුම්කරුවා වුයේ ඇමෙරිකාවයි.

නොයෙක් බාධක මැද, ලෝකයත් සමග කස්ත්‍රෝගේ සමාජවාදී විප්ලවය පසු ගිය නොවැම්බර් 25 දින අවසන් විය.  “ඝාතනයන්ගෙන් බේරීම ඔලිම්පික් තරගයක් නම් එහි රන් පදක්කම මට ” යැයි ඔහුගේ ප්‍රකාශය එහි දුෂ්කර බව මනාව පැහැදිලි කරයි. ඔහුගෙන් තොර කියුබාවේ හෙට දවස කුමන දිසාවක් ගනී දැයි, අප බලා සිටිමු.

 

 

අයවැය හුදු යෝජනා පමණක් නොවීමට නම්.,

රජය විසින් 2016 වසර සදහා ඉදිරිපත් කල අයවැය යෝජනා අතරින් බොහොමයක් යෝජනා පමණක් විය. ඒවා ප්‍රයෝගිකව ක්‍රියාත්මක කිරීමේදී බොහෝ ගැටළු ඇතිවන යෝජනා විය. ඉදිරිපත් කල යෝජනා බොහොමයක් හුදෙක් රජයේ ප්‍රථම අයවැය වීම නිසා මහජනතාව පිනවීම පිණිස ඉදිරිපත් කල ඒවා බව සිතා ගත හැකිය. මෙවර අයවැය තුලද ගුණාත්මක යෝජනා පවතී. ඒවා අදාල අංශ මගින් ක්‍රමානුකුලව හා කාර්යක්ෂමව ක්‍රියාවට නගන්නේ නම් රටේ ආර්ථිකයට යහපත් වනු ඇති.
අප පෙර ලිපියේදී සදහන් කලාක් මෙන් ජාත්‍යන්තර මුල්‍ය අරමුදල මගින් පනවා ඇති කොන්දේසි මේ අයවැය සදහා පාදක කරගෙන තිබෙන බව විස්වාසය. ඒවා රටට විනාසකාරී කොන්දේසි නොවේ. බොහොමයක් අනාගතයේදී රටේ  ගෙවුම් ශේෂයේ  ධනාත්මක ලෙස වර්ධනයට අවශ්‍ය වන කොන්දේසි වේ.

පසු ගිය වසර හා සසදන කළ, තනි අංශයක් ලෙස රටට වැඩිම අදායමක් ලබා දුන්නේ ඍජු විදේශ පේෂණ යි.නමුත් ඔවුන් වෙනුවෙන් ප්‍රමාණාත්මක ප්‍රතිපාදනයක් සිදුවී නොමැත.  විශ්‍රාම වැටුපක් සදහා වන යෝජනාවද හුදෙක් යෝජනාවක් පමණි. කිසියම් ප්‍රතිපාදනයක් හෝ වෙන් කර නොමැත. අවම වැටුප් සදහා වන යෝජනාවද ඔවුන් සතුටු කිරීමට පමණක් කරන යෝජනාවකි. රට විරුවන්ගෙන් රටට 2014දී ලැබී ඇති අදායම ඇ. ඒ. ජ. ඩොලර් මිලියන 7046කි. 2015 දී එය ඇ. ඒ. ජ. ඩොලර් මිලියන 7007කි. ඔවුන්ගේ පේෂණ රටට නොලැබී  නම් ශ්‍රී ලංකාව සිටින්නේ කොතනද කියා වත් සිත ගත නොහැක. ඔවුන්ගේ ශ්‍රමයෙන් උපයන ලබන මුදල් වලින් අපේ දේශපාලකයන් සුපෝකබෝගී වාහන ගෙන්වති. රජයේ සේවකන් වැය කරන ශ්‍රමයට වඩා වටිනා තීරු බදු රහිත වාහන බලපත්‍ර ලබාගනිති. ලේ දහදිය වගුරුවමින් තමුන්ගේ ජිවිත අනතුරුද නොසලකා ඔවුන් රටට උපයන ධනයෙන් මෙරට වෛද්යවරුන් තීරුබදු රහිත වාහන ලබා ගැනීමට තවත් ජිවිත අනතුරේ දමමින් උද්ඝෝෂණය කරති.   නමුත් ඔවුන්ට වෙනත් කිසිම ප්‍රතිලාබයක් ලබා දීමට සුදානමක් නැත. ඒ වෙනුවට ඔවුන්ට ලැබී ඇත්තේ නැව් නැගීමේදී ගෙවිය යුතු ඩොලර් 50ක ගාස්තුවකි. අවම වශයෙන් එය ගෘහ සේවයට හෝ යන අයගෙන් වත් අය නොකර ගැනීමේ නිදහස් කිරීමක් හෝ නොමැති වීම කණගාටුවට කරුණකි.

රබර් නිෂ්පාදනය වසර 4ක් තිස්සේ අඛණ්ඩව පහත වැටෙමින් තිබේ. කෘතීම රබර් නිෂ්පාදන සදහා  වැයවන පිරිවැය අඩු වීමත්, ස්වභාවික රබර් නිෂ්පාදනයට වඩා කෘතීම  රබර් නිෂ්පාදනයේදී පවතින සුමට බවත් නිසා කෘතීම රබර් වැඩි වශයෙන් නිපදවේ. 2013/14 වසර වලදී 24.4% කින් පහල ගිය ශ්‍රී ලංකාවේ රබර් නිෂ්පාදනය 2014/15 දී තවත් තවත් 10% කින් පහල ගියේය. 2016 පළමු බාගය වන විට එය තවත් 4.9% පහල බැස තිබේ.  එය එසේ වී ඇත්තේ 2016 වසරේදී ලෝක රබර් නිෂ්පාදනය කරන ප්‍රධාන රටවල නිෂ්පාදනය 1.3%කින් ඉහල යාමේ ඇස්තමේන්තුවද පුස්සක් බවට පත් කරවමින. ලෝකයේ වැඩිම රබර් නිෂ්පාදනය කරන රටවල් දහයෙන්, 10 වන ස්ථානයේ සිටින්නේ ශ්‍රී ලංකාවයි. රබර් නිෂ්පාදනය එසේ අඩුව වුවද ලෝක වෙළදපල තුල රබර් මිල ගණන් ඉහල යෑමක් වාර්තා වුයේ නැත. ඒ වෙනුවට  රබර් මිල ගණන් වසර 6ක් තිස්සේ අඛණ්ඩව අඩු විය.

තත්ත්වය එසේ තිබියදී රබර් නැවත වගාව, වැඩි පලදාවක් සහිත පැල හදුන්වා දීම, හා “රබර් සදහා වන මහා සැලසුම”  නම් වැඩ සටහන් ක්‍රියාත්මක කිරීම නිෂ්පල ක්‍රියාවක් ලෙස මා දකිමි. අඩු වන වෙළදපල ඉල්ලුම හා ලෝක වෙළද රටාව අනුව යමින් අපත් කල යුත්තේ සම්ප්‍රදායික කෘෂි අපනයන බෝගයක් වන රබර් නිෂ්පාදනයෙන් මිදී වෙනත් වැඩි අදායම් ලැබී හැකි කෘෂි බෝගයකට මාරු වීමයි.
2014ට ස්පෙක්ෂාව සුළු අපනයන බෝග 12.9% කින් වර්දනය විය. පසු ගිය වසරේ ගම්මිරිස් හා කරාබු නැටි අපනයන ප්‍රමාණයන්ද පිලිවෙලින් 103.8කින් හා 348.4 කින් වර්දනය වී ඇති බව මහා බැංකු දත්ත පෙන්වා දෙයි.

වඩා යෝග්‍ය හා දුරදර්ශි ආර්ථික තීන්දු තීරණ මගින් රටෙත්, ජනතාවගේත්, ආර්ථික තත්ත්වය හා ජිවන මට්ටම නගා සිටුවීමට හැකිය. එවැනි තීරණ මගින් දැන් කරනු ලබන ආයෝජනය රටෙත්, අනාගතයේත් පෝෂණය සදහා ඉවහල් වේ.

 

 

imf

හෙට අයවැයට පෙර

පසු ගිය වසර තුල දකුණු ආසියානු කලාපයේ ආර්ථික වර්ධන වේගය 7% මට්ටමේ පැවතුනි. එය මේ වසර තුලදී යම් පසුබෑමක් සහිතව 6.9% ලෙසද, ලබන වසර සදහා  වර්ධන වේගය නැවතත් 7% ලෙසද ඇස්තමේන්තුගත කර ඇත.

එය ලෝකයේ වේගවත්ම ආර්ථික වර්ධනය ඇති කළාපය ලෙස වසර කිහිපයක් තිස්සේ පැවතුනත්, කලාපයේ වර්ධනයට වැඩි වශයෙන්ම දායක වී ඇත්තේ 7% වර්ධන සමාන්‍යයක් රදවා ගත් ඉන්දියාවත්, කලාපයේ සීග්‍රයෙන් දියුණු වන ආර්ථිකයක් ඇති බංගලාදේශයත් ය. වසර 5ක් තිස්සේ අඛණ්ඩව සියයට 6කට වැඩි ආර්ථික වර්ධනයක් ලබා ගත් බංගලාදේශය තුල 1992 සිට කාලය ඇතුලත  මිලියන 15ක ජනතාවක් දුප්පත්කමින් මිදී තිබෙන බව ලෝක බැංකු දත්ත පෙන්වා දෙයි. ආයු අපේක්ෂාව, සාක්ෂරතාවය හා ඒක පුද්ගල ආහාර පරිභෝජනය පවා ප්‍රමාණාත්මක ලෙස ඉහල නැග ඇත. බංගලාදේශය වසර 2021 දී මැදි අදායම් ලබන රටක් ලෙස වර්ධනය වීමට සැලසුම් සකස් කරයි.  .

ශ්‍රී ලංකාව පසු ගිය වසර  තුන තුල, එනම් 2013 සිට 2015 දක්වා ලබා ගත් ආර්ථික වර්ධන වේගයන් වන්නේ පිලිවෙලින් 3.9, 4.9ක් හා 4.8කි. එය මේ වසරේ 4 හෝ 5% ට අඩු අගයක පවතී යැයි පුරෝකථනය කල හැකිය.  ලෝක ආර්ථිකයේ මන්දගාමී වර්ධනය නිසා දේශීය ආර්ථික වර්ධනයත් මන්දගාමී විය යන මහා බැංකුවේ අදහසට මා එකග වන්නේ නැත. එම තත්ත්වය යටතේම කලාපයේ අනිකුත් රටවල් වන ඉන්දියාව හා බංගලිදේශය ඉතා ප්‍රශස්ත වර්ධනයක් පෙන්නුම කිරීම එම ප්‍රකාශය අභියෝගයට ලක් කරයි. පසු ගිය වසර 5 තුල ශ්‍රී ලංකාවේ අයවැය හිගය 2011-6.9, 2012-5.6,2013-5.4,2014-5.7 හා 2015- 7.4ක් වේ. 2015ට ඇස්තමේන්තුගත කර තිබු සමස්ත අයවැය හිගය 4.4ක් වුවත් රාජ්‍ය වියදම්, වැටුප් හා වේතන හා ස්වභාවික ආපදා නිසා අයවැය හිගය වැඩි ව ඇති බව අවබෝධ කර ගත හැකිය.

ඒ කෙසේ වුවද, හෙට ඉදිරිපත් කිරීමට නියමිත අයවැයෙහි අයවැය හිගය 5% ට අඩු මට්ටමක පවත්වා ගැනීමට පිළිවන. ඒ 2020 වන විට සමස්ත අයවැය හිගය 3.5% මට්ටටම ගෙන එම රජයේ අරමුනයි. අන්තර්ජාතික මුල්‍ය අරමුදලේ නිර්දේශයන්ට අනුව රාජ්‍ය අදායම වැඩි කර ගැනීම, රාජ්‍ය වියදම් අවම කිරීම, ආනයන වියදම් අඩු කිරීම හා අපනයන අදායම් ඉහල නංවා ගැනීමට රජය ක්‍රියා කල යුතුය. ඊට අමතරව තවත් ගුණාත්මක කොන්දේසි කිහිපයක් ද පනවා තිබේ. ඒවා නම්,

  1. විගණකාධිපති දෙපාර්තමේන්තුව තිරස්චිනව හා කාර්යක්ෂමව පවත්වාගෙන යාම සදහා නවීන මුල්‍ය විගණන පරිචයන් හා විමර්ශනාත්මක විගණන ක්‍රියාවලින් ශක්තිමත් කිරීම.
  2. රාජ්‍ය ආයතන සදහා විදිමත් හා අන්තර්ජාතික මට්ටමේ ගිණුම්කරණ ප්‍රමිත හදුන්වා දීම.
  3. රාජ්‍ය ආයතන ගණකාධිකාරීන් වෘත්තීය මට්ටමට ගෙන ඒමේ මුලික වැඩ සටහන් ක්‍රියාත්මක කිරීම දක්වා තිබිණ.

සදහන් සියලු කාරණා සැලකිල්ලට ගැනීමේදී මා හට ගම්‍ය වන කාරණයක් නම් රජය රටේ ආර්ථික වර්ධනය සම්බන්ධයෙන් අවධානයක් යොමු කරනවාට වඩා පවතින ආර්ථික තත්වය රැක ගැනීමට, නැතිනම් වඩාත් නරක් නොවී පවත්වාගැනීමේ වෙහෙසක් දරන බවය. පවතින දේශපාලන අස්ථාවරත්වයත්, නායකත්වයේ කශේරුකා තුල ඇති නැම්මත්, රාජ්‍ය සේවකයන්ගේ ගෙඩි සියයක් බිම හෙලුවත් අප්පච්චිට එක ගෙඩියයි (අනිත් ඔක්කොම අපිට)සටන් පාඨයත්, සමස්තයක් ලෙස මහජනතාවගේ හොදම දේ පිටරටින් ප්‍රතිපත්තියත් නිසා එහි වරදක් ද නැත.

මේ සුන්දර ශ්‍රී ලංකාවේ පාරම්පරිකව එන දේශීය උරුමයන් රැක ගනිමු !!

17-13

ශ්‍රී ලංකා පොලිස් සේවයේ පරපිඩාකාමුකත්වය.

කදිරේෂන් රවිශංකර් යනු හැටන් නගරයේ බාබර් සාප්පුවක් කරගෙන යන කරණවෑමියෙකි. පසු ගිය මස 23 වෙනිදා රාත්‍රී 7.30ට පමණ හැටන්  පොලිසියේ කොස්තාපල්වරයෙකු පැමිණ දයාල් දීගහවතුර නමැති, හැටන් සහකාර පොලිස් අධිකාරිවරයාගේ කොණ්ඩය කැපීම සදහා පොලිස් ස්ථානයට පැමිණෙන ලෙස  දැන්විය. තවත් පුද්ගලයන් දෙදෙනකු පමණ කොණ්ඩය කැපීම සදහා සිටි හෙයින් දැන් පැමිණිය නොහැකි බව ඔහු පවසා ඇත.  ඉන් සුළු මොහොතකට පසු ඉහත නිලධාරියා සහ තවත් උප පොලිස් පරීක්ෂකවරුන් දෙදෙනකු සහ තවත් කොස්තාපල්වරයෙකු පැමිණ කරණවෑමිය රැගෙන ගොස් සහකාර පොලිස් අධිකාරිවරයාට පමුණුවා තිබේ. ASPවරයා ඔහුට පරුෂ වචනයෙන් බැන, පාහර දී ඇති අතර  පසුව රෝහලේ නැවත්වීමට පවා සිදු වී තිබේ. රෝහලේ සිටියදී, රෝහලට පැමිණ රෝහලෙන් පිටව යන ලෙස තර්ජනය කර ඇති අතර පසුව සිද්දිය සම්බන්ධයෙන් පෙළපාලියක් ද පැවැත්විණ. පසුව සිදුවුයේ අදාල ASPවරයා නුවරඑළිය පොලිස් ස්ථානයට මාරු කර යැවීම පමණකි.

පසු ගිය මැයි මාසයේදී ද මුල්ලියාවලි පොලිසිය සිවිල් ඇදුමින් සැරසී පුද්ගලයෙකු අත්අඩංගුවට ගන්නැයි කියා ඔහු වරෙන්තුවක් ඉල්ලු පසු ඔහුට වෙඩි තැබීමේ සිද්දියක් වාර්තා විය.

ආසියානු මානව හිමිකම් කොමිසමේ වාර්තා අනුව 1998-2011 අතර කාලයේදී පමණක් පොලිසියට එරෙහිව පැමිණිලි 1500ක් ලැබී තිබේ. නමුත් මේ ලැබී ඇති පැමිණිලි වලට වඩා ලැබී නොමැති පැමිණිලි ගණන බොහෝ වැඩිය.

නවතම සිද්දිය නම් විශ්වවිද්‍යාල සිසුන් දෙදෙනකුට වෙඩි තැබීමේ සිද්දියයි. මෙයට පෙරද පස්යාල ප්‍රදේශයේ පාපැදියක ගමන් කරමින් සිටි පුද්ගලයෙකු පොලිස් වෙඩි පහරින් මිය ගියේ 2014 ජුනි මස 10 වෙනිදාය.

මේවා ඉදිරියටද සිදු වීමට නියමිතය. මෙය ඔබට හෝ ඔබේ දරුවාට සිදු විය හැකිය. නිසි පුහුවක්, නිසි අධ්‍යාපනයක්, නිසි හික්මීමක් නොමැති කවුරුන් වුවද සමාජයේ කුමන ස්ථානයක සිටියත් එයින් වන්නේ අවැඩක්මය. මේවා වලක්වා ගැනීමට නම් යල් පැන ගිය නීති යාවත්කාලින කල යුතුය. නීති යාවත්කාලින කල පමණින්ම මේවා වලක්වා ගත නොහැක. ඔවුන්ට පුහුණුවත්, නිසි අධ්‍යාපනයක් ලබා දිය යුතුය. වඩා වැදගත් වන්නේ ඔවුන්ගේ මානසික තත්ත්ව හදුනාගෙන රෝගීන් සිටිනම් ඔවුන් සේවයෙන් ඉවත්කිරිමය. ඉන් පසුවද මෙවැනි සිද්දීන් සිදු කරන අය සිටි නම් ඔවුන්ට අපරාධකාරයන්ට මෙන් සලකා දඩුවම් දීම කල යුතුය.
ඉහත ජයාරුපයේ එම නිළධාරියාගේ හැසිරීම දිහා මදක් බලන්න. ඔබ සිතන්නේ DNA පරීක්ෂණයකට ඇගේ කෙස් ගසක් ගලවා ගැනීමට ඔහු උත්සහ කරන බවද?

sri_lanka_polie-scotland

දෙවන ජයාරුපයේ ඔබ දකින්නේ බිම වැටුණු නිරායුද තනි පුද්ගලයෙකුට තුන් දෙනෙකු අවම බලය යොදවන ආකාරයයි. එම නිලධාරීන්ගේ මානසික තත්ත්වය ගැන ඔබට සිතා ගත හැකිද? මා ඔවුන් දකින්නේ පරපිඩාකාමුකත්වයෙන් ඔද්දල් උණු මානසික රෝගීන් පිරිසක් බවයි. එසේ නොවේනම්, සිසු වියාපාරයක් විසුරුවා හැරීම රාජකාරියක් වූ පොලිස් නිලධාරීන් හට මෙසේ පහාර දීම අවශ්‍ය යැයි ඔබ සිතන්නේද ?

පුහුණුවකින් තොර හික්මිමකුත්, හික්මීමකින් තොර පුහුණුවකුත් ඇති පුද්ගලයන් සිටින තැනක් වන්නේ ශ්‍රී ලංකා පොලිසිය යි. යන්න, ඔබට ඕනෑම මොහොතක නැරබිය හැකිය.

 

12670270_10156601859180691_2460284412834612873_n

කට වහා ගත් කළ ග්‍රාමසේවක මහතා රජකමටත් සුදුසු ය.

බස්නාහිර පළාතේ පොලිසි සීරුවෙන් තබමින් ඊයේ දියත් කල මෙහෙයුමෙන් පුද්ගලයන් 1262ක් අත්අඩංගුවට ගත් බව මාධ්‍ය වාර්තා කළේය. එයින් පුද්ගලයන් 323ක් අවදානම් ලෙස වාහන ධාවනය  සදහාත්, 567ක් වෙනත් හේතු සදහාත් අත්අඩංගුවට ගෙන තිබිණ. එයින් බොහොමයක් සැක පිට අත්අඩංගුවට ගැනීම් ය. එනම් එය ප්‍රතිශතයක් වශයෙන් 70%ක් ය. එසේනම් මෙම අත්අඩංගුවට ගත් මුළු සංඛ්‍යාවෙන් වැඩි හරියක් නිර්දෝෂී පුද්ගලයන් වීමට බොහෝ ඉඩ කඩ ඇත. නොඑසේනම් මෙම අත්අඩංගුවට ගත් නිර්දෝෂී පුද්ගලයන්ගෙන් කීප දෙනෙකු හෝ හෙට දින අපරාධකාරයන් ලෙස සමාජ ගත වීමට ඉඩ ඇත. ශ්‍රී ලංකාවේ පොලිසිය  ඒ තරම් කාර්යක්ෂම හා විනය ගරුක බව අපි සැම දන්නා කාරණයකි. වසර ගණනක් තිස්සේ ශ්‍රී ලංකාවේ වඩාත් දුෂිතම ආයතන අතර තවමත් පෙරමුණේ සිටින්නට හැකිව තිබෙන්නේ මේ නිසාය.  Transparency International Corruption Perception Index (මේකට සිංහලෙන් කියන විදිය හරියටම දන්නේ නෑ. මන් හිතන්නේ අන්තර්ජාතික දුෂණ හා විනිවිදභාවය පිළිබද සංජානනීය දර්ශකය.) නවතම වාර්තාවට අනුව 2015 දී ශ්‍රී ලංකාව රටවල් 168ක් අතුරින් 83 වන ස්ථානයේ පසු වේ යි.

අපරාධ මැඩලීම අතින්ද ඔවුන් සිටින්නේ අනික් දියුණු රටවලට සාපේක්ෂව ඉතාමත් නොදියුණු මට්ටමකය. අපරාධ මැඩලීම යනු අපරාධයක් සිදු වීමට ප්‍රථම එය වැළැක්වීමට පියවර ගැනීමය. නමුත් ශ්‍රී ලංකාවේ පොලිසිය අපරාධය සිදු කරන තුරු බලාගෙන සිට අත්අඩංගුවට ගැනීමට රුසියෝය.

ඔවුන්ගේ අත්අඩංගුවට ගැනීම් පවා බොහෝ විට සිදු වන්නේ නීති විරෝධී ආකාරයෙන් ය. අත්අඩංගුවට ගැනීමට ප්‍රථම වරෙන්තුවක් ලබා ගැනීම පවා සිදු වන්නේ පුද්ගලයා ගේ තරාතිරම අනුවය. එය බොහෝ විට සාමාන්‍ය මිනිස්සුන්ට අදාල නොවෙන කාරණයක් ව තිබේ. සාමාන්‍ය නිතිය නම් පුද්ගලයෙක් අත්අඩංගුවට හෝ ස්ථානයක් පරික්ෂා කිරීමට ප්‍රථම සැක පිට අත්අඩංගුවට ගැනීමක් නොවෙන අවස්ථාවකදී, වරෙන්තුවක් ලබා ගත යුතු ය.  සැක පිට අත්අඩංගුවට ගැනීමක් යනු (Probable Cause/Reasonable Suspicion) අපරාධයක් සිදු කිරීමට යාම ට යැයි නිසැක වශයෙන් අවබෝධ කරගෙන කරන අත්අඩංගුවට ගැනීමක් ය. එය කඩිනමින් කලයුතු බවට (exigent circumstances) පොලිසිය අධිකරණයේදී ඔප්පු කල යුතුය. (Terry v. Ohio, 392 U.S. 1 (1968) ඇමෙරිකානු නඩු තීන්දුව) නමුත් විනිසුරුවරුන් කරන්නේ පොලිසියට අවශ්‍ය රිමාන්ඩ් කිරීමටද ඇප දීමට දැයි විමසා ඔවුන්ගේ අවශ්‍යතාවය ඉටු කිරීමයි.

අපරාධ පරීක්ෂණ දෙපාර්තමේන්තුවේ මට මුණ ගැසුණු හිතවතකු එහි පරීක්ෂණ සිදු වන ආකාරය ගැන අපුරුවට කියා දුන්නේය. එහිදී ඔහු කිවේ ඔවුන් එක්තරා පරීක්ෂණයකට ගොස් එයට අදාල යැයි ඔවුන් හිතන සැකකරු වෑන් රථයක දමාගෙන පාළු ස්ථානයකට ගෙන ගොස් නිරුවත් කර, ගසක බැද දිමි ගොටු කීපයක් දමා, “අපි උදේ එනකොට මතක් කර ගනින් ” යැයි පවසා ඔවුන් පිටව ගිය බව යි. මෙවැනි ආකාරයට අපරාධ හෙළි කර ගැනීමට පොලිසි හෝ අපරාධ පරීක්ෂණ දෙපාර්තමේන්තු අවශ්‍ය නැත. පොලිසියක් සිදු කල යුත්තේ විද්‍යාත්මක හා පර්යේෂනිය සාක්ෂි පදනම් කර ගනිමින් සැකකරු හදුනා ගැනීමය. නමුත් එවැනි ආකාරයෙන් අපරාධ හදුනා ගැනීමට තරම් උගත්, විෂයානුබද්ධ දැනීමක් අපගේ නිලධාරීන් හට නොමැත. පොලිස් අභ්‍යාස විද්‍යාල මගින් කල යුත්තේ මෙය යි. ඊට අමතර පර පිඩා කාමුකත්වය නමැති මානසික රෝගයට පොලිසියේ ඇතැම් නිලධාරීන්ට මනෝ විද්‍යා උපදේශ ලබා දිය යුතු බව මගේ අදහස යි.

නමුත් බොහෝ ගරු කල හැකි මිනිස් ගුණ දම් තිබෙන පොලිස් නිලධාරීන් ද නැතුවා නොවේ. සොයා ගැනීමට අසීරු වුවද එවැනි එක නිලධාරියෙක්, ඔහුට කරන කෘත ගුණ සැලකීමක් ලෙස මෙහිදී සදහන් කරමි. මා හදිසි කටයුත්කට ගමනක් යාමට පිටත් විය. ඉක්මනින් යාමට අවශ්‍ය වූ නිසා මට මාගේ මුදල් පසුම්බිය රැගෙන යාමට අමතක වී තිබිණි. අදාල රාජකාරිය නිම කොට එද්දී මගේ පාපැදියේ පෙට්රෝල් ඉවර වී තිබිණි. කල යුතු කිසිවක් නොතිබුණු  නිසා මා හට පාපැදිය තල්ලු කර ගෙන ඒමට සිදු විය. මාර්ග පරික්ෂාව සිදු කරන පොලිස් නිලධාරියෙක්
“මොකද තල්ලු කරගෙන…!! කැඩිලා ද ?

“අනේ නෑ මහත්තයෝ, තෙල් ඉවරවෙලා.”

“අය්යෝ , අතන ෂෙඩ් එකක් තියෙනවනේ.”

“මම පර්ස් එක දාලා ඇවිල්ල, සල්ලි නැ මගේ අතේ.”

“අය්යෝ පුතා, රුපියල් සියක් දෙන්නම් අතනින් තෙල් ගහ ගෙන යන්න” යැයි පවසා මට මුදල් දුනි.
ඔහුට ස්තුති කොට නමද අසා ගත් මම පසු දින පොලිස් ස්ථානයට ගොස් අදාල මුදල ඔහු ඇත තැබුවද ඔහු එය ප්‍රතික්ෂේප කලේ ඔහු එය කලේ උදව්වක් වශයෙනි. ඔබට මෙය අතිශයෝක්තියක් වශයෙන් පෙනෙනු ඇත. ඇත්තටම එය අතිශයෝක්තියකි. සිදුවූ සැබෑ සිද්ධිය මෙසේය.

මගේ මුදල් පසුම්බිය මා සතුව තිබිණි. මා ආ මාර්ගයට දකුණු පසින් ටිකක් එහාට වෙන්නට ෂෙඩ් එකක් පිහිටා තිබු බව මා දැන නොසිටියෙමි. මා ගමන් කලේ වම් ප්‍රදේසට යි. පොලිස් නිලධාරීන් සිටියේ ඒ පැත්තේය.

“මොකද තල්ලු කරගෙන…!! කැඩිලා ද ?

“අනේ නෑ මහත්තයෝ, තෙල් ඉවරවෙලා.”

“ඇයි ඕයි, අතන ෂෙඩ් එකක් තියෙනවනේ.”

“කොතනද? ”

“ඔතන , ඔය පාරට පොඩ්ඩක් එහා. ඉක්මනට යනවා 10ට වහනවනේ”.

“මේ පොඩ්ඩක් ඉන්නවා, තමුසේ කොහෙද?”

“මම රාගම.”

“එතකොට මෙහෙ ?’

“මම මේ යාලුවෙක් ගෙදර ගිය.”

“තමුසේ බිලද ?”

“නෑ”

“හ්ම්ම්. තමුසේ රාගමට කොහෙන්ද යන්නේ?

“ඇයි ඔතනින් දාලා ලගයි නේ. ”
“අහ්හ් ඔව් නේ, නැත්තම් තමුසේ වටයක් යන්න එපැයි. එහෙනම් තමුසේ එන ගමන් මේකටත් ලීටරයක් ගහන එනවා. තමුසෙට සල්ලි නැත්තම් බාගයක් හරි ගහන් එනවා.”

දුන් ප්ලාස්ටික් බොර්තලයද රැගෙන ගිය මම මගින් එය විසි කර දැමිය. ඔවුන්ට ලීටරයක් හෝ බාගයක් අරන් දීමට මගේ පශ්තාත් බාගයේ අදෝනාවක් තිබුනේ නැත.

මෑතකදී ජනාධිපතිවරයාගේ ප්‍රකාශයෙන් පවා පිලිබිබු වන්නේ නිතිය දේශපාලකයන්ට හා එහි සම්බන්ධ අයට වෙනම ආකාරයට ක්‍රියාත්මක විය යුතු බවය. මෙය අග්‍රාමාත්යවරයගේත් මතය වන බව ඊයේ වනවිට මාධ්‍ය මගින් දැන ගන්නට ලැබිණ. ඔවුන් ඊට පෙරද දේශපාලකයන් හා ඔවුන්ගේ පුතුන් අත්අඩංගුවට ගැනීමේදී සියට දෙසීයක් විමසන්න යනුවෙන් ප්‍රකාශයක් ද කර තිබිණි. මෙයින් කියවෙන්නේ නිතිය සාමන්‍ය මිනිස්සුන්ට සාධාරණ වියයුතු බවත් ඔවුන්ට එය සමාන හා සාධාරණ දෙකම වියයුතු බවත් ය.

මෑතකදී සිදුවූ පුගොඩ මන්දිරයේ සිද්දිය ඊට හොදම උදාහරණ ය යි. අක්කර 16කින් යුත් එම මන්දිරයේ භූගත මහලක් ද ඇතුලත් වේ. එම මන්දිරය ඉදි කිරීම සදහා රුපියල් ලක්ෂ දහසකට වැඩි මුදලක් වැය කර ඇති බව උපුල් කුමාර රාමවික්‍රම යවා ඇති එන්තරවාසියේ සදහන් වේ. මෙම නිවසේ මුල් ගල තැබීම සදහා සහභාගී වී ඇත්තේද බැසිල් රාජපක්ෂ හා පවුලේ අය යි. අවසන් වරට මුදල් ගෙවීම කර ඇත්තේ මුදිත ජයකොඩි බවත් එය රුපියල් එක්කෝටි දසලක්ෂයක් බවත් සදහන්. මුදිත ජයකොඩිට මෙම ඉඩම පැවරීමට පෙර එය ඉතිව තිබී ඇත්තේ නඩේෂන් හෙවත් නිරුපමා රාජපක්ෂ ගේ සැමියා හටය. ඔහු දැන් රනිල් වික්‍රමසිංහගේ සමිපතෙකි. කිසිම අයිතිකරුවෙකු නැති රුපියල් ලක්ෂ දහසකට වැඩි වටිනාකමක් ඇති ගොඩනැගිල්ලක් සහිත එම ඉඩම ප්‍රසිද්ධ වෙන්දේසිය විකිනීමට පසු ගියදා තීන්දු කෙරිණි.

මේ අසිරිමත් නිතිය ක්‍රියාත්මක වන්නේ ශ්‍රී ලංකාවේ පමණි. 

NK.

Usaviya Nihadai-Prasanna Vithanage

හොරාට කලින් කෙහෙල් කැන වැට පැනීම හෙවත් උසාවිය නිහඩයි.

ඊයේ සිට තිරගත වීමට තිබු ප්‍රසන්න විතානගේ අධ්‍යක්‍ෂනය කල “උසාවිය නිහඩයි” චිත්‍රපටිය මා බොහෝ බලපොරත්තුවෙන් නැරබීමට සිටි චිත්‍රපටියකි. නමුත් ඊයේ එයට කොළඹ මහේස්ත්‍රාත්වරයා තහනම් නියෝගයක් නිකුත් කළේය.

ප්‍රසන්න විතානගේ යනු ශ්‍රී ලංකාවේ සිටින අග්‍රගන්‍ය සිනමා අධ්‍යක්ෂකවරයෙකි. ඔහුගේ නිර්මාණයක් වන ආකාස කුසුම් චිත්‍රපටිය සදහා මාලනී ෆොන්සේකා, ඉන්දියානු අන්තර්ජාතික සිනමා උළෙලේ හොදම නිලියට හිමි සම්මානය,හොදම ආසියානු චිත්‍රපටිය සදහා වන සම්මානයත්, හොදම චිත්‍රපටිය සදහා වන සාර්ක් සම්මානයත් සහ තවත් සම්මාන රාශියක් සදහා නම් කරනු ලැබූ චිත්‍රපටියකි. අනෙකුත් සිංහල චිත්‍රපට හා සසදන කල ප්‍රසන්න ඇත්තේ බොහෝ දුරින් ය. අසෝක හදාගම ආදී අධ්‍යක්ෂකවරුන්  හැර අනෙක් බොහොමයක් චිත්‍රපට වලට අප සිනසෙනුයේ චිත්‍රපටිය නැරබිමෙන් නොව අධ්‍යෂ්කවරයාගේ නම ඇසිමෙන්ය.

උසාවිය නිහඩයි චිත්‍රපටයට පසුබිම් වී ඇත්තේ 1997 අගෝස්තු මසදී රිවිර අනාවරණය කල පරිදි (මගේ මතකය නිවැරදි නම් ) සැකකරුවෙකුගේ බිරිද තමාගේ නිල කාමරයේදී දුෂණයට ලක් කිරීම සදහා චෝදනා ලැබූ මහව හිටපු දිස්ත්‍රික් මහේස්ත්‍රාත් ලෙනින් රත්නායක යැයි කියවේ. ඊට පසු දිනද අවස්ථාවකදී තුවක්කුවක් පෙන්වා වාහනයක දමාගෙන ගොස් දුෂණය කල බව අධිකරණ සේවා කොමිෂන් සභාව මගින් පත් කරනු ලැබූ පරීක්ෂණ කොමිසම මගින් පරීක්ෂණයේදී අනාවරණය කරනු ලැබිය.

එහිදී චෝදනා ලැබූ මහේස්ත්‍රාත්වරයාට විරුද්ධව පැවති එකම චෝදනාව මෙය නොවේ. ඔහු ශ්‍රී ලංකා රක්ෂණ සංස්ථාවේ ලිපිකරුවකු වශයෙන් සේවය කරමින් සිටියදී වංචාසහගත චෝදනා හයකට වැරදි කරු වී සේවයෙන් ඉවත් කල පුද්ගලයෙකි. එය අධිකරණ සේවා කොමිසමට වසන් කිරීමම අධිකරණ සේවයෙන් ඉවත් කිරීමට තරම් වරදකි. වංචාවකට සහබාගි වීම ගැන කවර කතාද ?

අධිකරණ සේවා කොමිසමේ කාර්යක්ෂමතාවය කෙසේදයත් අධිකරණ සේවයට විනිශ්‍යකාරවරයෙකු පත් කිරීමට ප්‍රථම ඔහු පිළිබද සොයා බැලීමටවත් වෙහෙසී ඇති බවක් නොපෙනේ. ඒ කෙසේ වුවද කාන්තාවන් දෙදෙනකු දුෂණය කිරීමට පරීක්ෂණ කොමිසමේදී වැරදිකරු කරනු ලැබූ රත්නායකට  අධිකරණයේ නඩු පැවරීමක් කිරීමට හෝ අදාල කාන්තාවන් දෙදෙනාට යුක්තිය ඉටු කිරීමට හෝ නොහැකි විය. අදාල කාන්තාවගේ නීතිඥයන් විසින් අධිකරණ සේවා කොමිෂන් සභාවට හා ශ්‍රේෂ්ටාධිකරණයට පැමිණිලි කිරීමෙන් මාස 23කට පසුව පත් කරනු ලැබූ පරීක්ෂණ කමිටුවෙන් ද වැරදි කරු වූ රත්නායකට දඩුවම් ලබා දීමට නොහැකි වීමට හේතුව වශයෙන් රාවය කතෘ වික්ටර් අයිවන්ගේ නොනිමි අරගල නමැති පොතේ පෙන්වා දෙන පරිදි එවකට නීතිපතිවරයා ව සිටි සරත් සිල්වා ගේ ක්‍රියා කලාපය හේතු උන බව විස්තර කරයි.

ලංකා අධිකරණ ඉතිහාසයේ බිහිවූ දුෂිතම අග්‍රවිනිශ්‍යකාරයකු වූ ඔහු දුන් තීන්දු සම්බන්දයෙන් ප්‍රසිද්දියේම මහජනතාවගෙන් සමාව ඉල්ලු වාරද නැතුව නොවේ. තමුන්ගේ ලාබ ප්‍රයෝජන හා යාලු මිත්‍රකම් වෙනුවෙන් ආණ්ඩුක්‍රම ව්‍යවස්ථාව උල්ලංගනය කිරීම අධිකරණයේ පරමාධිපත්‍යට කල නිගාවකි.

නමුත් කණගාටුව කරුණක් නම් පරීක්ෂණ සභා මගින් වැරදි කරුවන් කෙරු ඇතැමුන් තවමත් ශ්‍රේෂ්ටාධිකරණයේ විනිසුරන් ලෙස අදද තනතුරු හෙබවිමයි.

නුවන් කරුණාරත්න …